जेठ १०, २०८१ बिहिबार

रावा बेसीको शारदा मा.वि.को ७२ औँ वार्षिकोत्सव तथा अभिभावक भेला सम्पन्न

खोटाङ्ग रावा बेसी गा.पा. २ खार्पा सञ्चालित श्री शारदा मा.वि.को ७२ औँ वार्षिकोत्सव तथा अभिभावक भेला कार्यक्रम सम्पन्न भएको छ । विद्यालय व्यवस्थापन समितिका अध्यक्ष डोलराज वस्नेतको सभापतित्व र संघीय सांम्सद माननिय रामकुमार राई पाषाङ्गको प्रमुख आतिथ्यमा सम्पन्न भएको हो ।

जेष्ठ ३० गते शारदा मा.वि. का विद्यार्थी अन्तर सदनात्मक चेतनामुलक सडक नाटक, रावा बेसी गा.पा. भित्रका अन्तर मा.वि. स्तरीय “सामाजिक सञ्जालको प्रयोगले समाजमा पारेको प्रभाव” विषयमा वक्तित्वकला प्रतियोगिता, वडा नं. २ भित्रको अन्तर प्रा.वि. स्तरीय आधारभूत तह कक्षा १ देखि ५ सम्मको स्मरण दौड प्रतियोगिता, शारदा मा.वि. खार्पाका सङ्गिनी, मगर, राई, नेवार विद्यार्थीद्वारा जातीय झाकी समेत प्रस्तुत गरेको थियो । त्यसैगरी आज ३१ गते रावा बेसी गा.पा. भित्रका अन्तर मा.वि. हाजिरी जबाफ प्रतियोगिता, अभिभावक विच हण्डीफोर, महिला अभिभावकविच म्यूजिकल चियर प्रतियोगिता, छात्रवृत्ति वितरण लगायत विभिन्न कार्यक्रम गरी मनाइएको थियो ।

अन्तर मा.वि. वक्तित्वकला प्रतियोगितामा प्रथम स्थान ओगट्न सफल श्री देउराली मा.वि. डुम्रेधारापानीकी शुसिला तिमल्सिना , द्वितीय श्री शारदा मा.वि. खार्पाका दिवश भुजेल र तृतीय शारदा मा.वि. खार्पा कै सीता रम्तेल भएका थिए । स्मरण दौड तर्फ प्रथम शारदा मा.वि. खार्पाकी जेनिशा मगर, द्वितीय शारदा मा.वि. खार्पा कै अरुणा परियार, र तृतीय कोइराले आ.वि. खार्पाका लिला मगर भएका थिए । त्यसैगरी अन्तर मा.वि. हाजिरीजवाफ प्रतियोगितामा प्रथम श्री गंगोदय मा.वि. दुवेकोल, द्वितीय श्री शारदा मा.वि. खार्पा र तृतीय श्री रत्न राज्यलक्ष्मी मा.वि. कुभिण्डे भएको थियो ।

सोहि कार्यक्रममा विद्यालयका प्रधानाध्यापक गोपाल बस्नेतले विद्यालय प्रतिवेदन समेत प्रस्तुत गर्नुभएको थियो । कार्यक्रममा रावाबेसी गाउँपालिका अध्यक्ष फटिक कुमार श्रेष्ठ , उपाध्यक्ष कौशिला कुमारी गुरुङ लगायत अन्य अतिथिहरु र स्थानीयको उपस्थिति रहेको थियो ।

यो खबर पढेर तपाईलाई कस्तो महसुस भयो ?

प्रतिक्रिया राख्नुहोस्

सम्बन्धित खबर