नेता बिनोद राई ‘संसार’ले वितरण गरे २८० विद्यार्थीलाई झोला

खोटाङ, ६ असोज । खोटाङका युवा नेता बिनोद राई ‘संसार’ले २८० विद्यार्थीलाई झोला वितरण गरेका छन् । राष्ट्रिय युवा संघका केन्द्रीय सामाजिक सेवा विभाग प्रमुख एवं एमाले खोटाङका जिल्ला कमिटि सदस्य राईले दिप्रुङ चुईचुम्मा गाउँपालिकाभित्रका तीन विद्यालयका विद्यार्थीलाई झोला वितरण गरेका हुन् । राईले दिप्रुङ चुईचुम्मा गाउँपालिका–६ छितापोखरीस्थित जनसेवा मावि दिहुँका १३० जना, दिप्रुङ चुईचुम्मा गाउँपालिका–७ टेम्मास्थित शान्ति माबिका १२० जना र टेम्माकै शिक्षा आदर्श प्रावि डाँडाखर्कका ३० जना विद्यार्थीलाई झोला वितरण गरेका हुन् । सामाजिक काम अन्तरगत राईले असोज ४ गते व्यक्तीगत खर्चमा बाल शिक्षादेखि कक्षा १० मा अध्ययनरत छात्र÷छात्रालाई झोला वितरण गरेका हुन् ।

युबा नेता बिनोद राई सन्सार 

दिप्रुङ चुईचुम्मा गाउँपालिका–४ बतासेका राईले गत जेठमा दिप्रुङ चुईचुम्मा गाउँपालिका–१ याम्खास्थित श्रीदेवी आधारभुत विद्यालय, खमारेमा कक्षा १ देखि कक्षा ८ मा अध्ययनरत ६५ छात्र÷छात्रालाई झोला वितरण गरेका थिए । झोला अभावमा हातमा किताव कापी बोकेर हिँड्न वाध्य विद्यार्थीलाई लक्षित गर्दै झोला प्रदान गरिएको राईले बताए । ‘सानोमा दुई घण्टा हिँडेर स्कुल धाउन पथ्र्यो । हातमा किताव बोक्नुपर्ने, साउनको बेला लड्दा खेतमा किताव खसेर भिजेको थियो,’ राईले भने, ‘किताव कापी, डटपेन हराउने समस्या बेहोरेका थियौं । त्यही आफ्नै विगत सम्झिएर विद्यार्थीलाई झोला वितरण गरिएको हो ।’
२०८४ सम्ममा गाउँपालिकाभरीका सबै माबिका छात्र÷छात्रालाई झोला वितरण गर्ने राईको योजना छ । विद्यार्थीलाई सामाजिक सेवाको भाव जगाउनका लागि पनि झोला वितरण अभियान सुरु गरिएको राईले बताए ।