खोटाङको ऐसेलुखर्कमा लाखेको मुर्ती अनावरण

खोटाङ/खोटाङको ऐसेलुखर्क गाउपालिका ३ ऐसेलुखर्क बजारमा लाखेको मूर्ति अनावरण गरिएको छ ।

ऐसेलुखर्क गाउँपालिकाका अध्यक्ष तथा प्रमुख अतिथि  गिरेन्द्रबहादुर राईले नेवार सामाजिक गुठीको आयोजनामा औपचारिक रुपमा  लाखेको मूर्ति अनावरण गरेका हुन् ।

लाखेको मुर्ती अनावरण                                                 नेवार समुदायको साँस्कृतिक पहिचान बोकेको लाखेको १० फिट अग्लो मूर्ति २ बर्ष लगाएर खोटाङमै पहिलोपटक निर्माण गरिएको हो । उक्त मूर्ति निर्माण गर्न ऐसेलुखर्क गाउँपालिकाको १६  लाखमा  निर्माण गरिएको ऐसेलुखर्क गाउँपालिका ३ का वडाध्यक्ष तथा पालिका प्रबक्ता टेकेन्द्र राजभण्डारीले जानकारी दिनुभयो ।

नेवार समुदायको बाहुल्यता रहेको ऐसेलुखर्क बजारमा लाखेको मुर्ती बने पछि स्थानियले खुसी व्यक्त गरेका छ्न् । सबै जात जाती भाषा, धर्म संस्कार संस्कृतिको सम्मान र जगेर्ना गर्दै सास्कृतिक कुरासंगै पर्यटनलाई जोडदिने योजना रहेको गाउँपालिकाका अध्यक्ष गिरेन्द्र बहादुर राईले बताउनु भयो ।

लाखे नाच नेवार समुदायले कुनै विशेष जात्रा अथवा पर्वको उपलक्षमा मुखुन्डो पहिरिएर गरिने परम्परागत नृत्य हो । लाखे नाच कृष्णलाई मार्नका लागि कंसले बहिनी पुतनालाई प्रयोग गरेको र पुतनाको मृत्युको कामना गर्दै राक्षसको स्वरूपमा सजिएर नेवार समुदायमा लाखे नाच  नचाउने गरिन्छ । नाग पञ्चमीका दिनबाट सुरु गरिएको पुतनाको मृत्युको कामना ऋषि पञ्चमीका दिन मृत्यु भएको सम्झँदै बन्दुक पड्काएर विर्सजन गरिने परम्परा छ ।