अर्जेन्टिना फ्यान क्लब खोटाङद्वारा दैवीथान सरसफाई गर्ने

खोटाङ,  अर्जेन्टिना फ्यान क्लब खोटाङले सामाजिक उत्तरदायित्वलाई आत्मसात् गर्दै साउन २ गते दिउँसो १२ बजे दैवीथानमा वृहत् सरसफाइ अभियान सञ्चालन गर्ने भएको छ।

विश्व फुटबलमा अनुशासन, एकता, समर्पण र उत्कृष्ट खेलका लागि परिचित अर्जेन्टिना टोलीबाट प्रेरित फ्यान क्लबले खेलप्रतिको प्रेमलाई सामाजिक सेवासँग जोड्ने उद्देश्यले अभियान आयोजना गरेको हो।

स्वच्छ वातावरण निर्माण, धार्मिक तथा सांस्कृतिक सम्पदाको संरक्षण तथा सामाजिक चेतना अभिवृद्धि गर्ने लक्ष्यसहित सञ्चालन हुने अभियानमा सम्पूर्ण अर्जेन्टिना समर्थक, खेलप्रेमी, स्थानीयवासी, युवा तथा सरोकारवालालाई उत्साहपूर्वक सहभागी हुन आग्रह गरिएको छ।

अर्जेन्टिना फ्यान क्लब खोटाङद्वारा दैवीथान सरसफाइ

अर्जेन्टिना फ्यान क्लब खोटाङका फ्यान सुरेस दाहालेले अभियानमा सबैलाई सक्रिय रूपमा सहभागी हुन अनुरोध गर्दै दैवीथानलाई स्वच्छ, सफा र सुन्दर बनाउन सामूहिक प्रयास आवश्यक रहेको जानकारी दिनुभयो।

क्लबले समाजसेवामार्फत खेल संस्कृतिको सकारात्मक सन्देश फैलाउने विश्वास व्यक्त गर्दै अभियानको सफलताको कामना गरेको छ।