पोषण शिक्षा प्रवर्द्धनमा रावाबेँसी गाउँपालिका

प्रेम श्रेष्ठ / खोटाङको रावा बेसी गाउँपालिका द्वारा आयोजित जेठ १ गतेदेखि ७ गतेसम्म मनाइँदै गरेको “पोषण सप्ताह” कार्यक्रम अन्तर्गत आज आधारभूत तह (कक्षा ६–८) स्तरीय हाजिरीजवाफ प्रतियोगिता सम्पन्न भएको छ । रावा बेसी गाउँपालिकाका अध्यक्ष फटिक कुमार श्रेष्ठ को अध्यक्षतामा सम्पन्न प्रतियोगितामा गाउँपालिका भित्रका १२ वटा विद्यालयहरूको उत्साहजनक सहभागिता रहेको थियो ।

पोषण शिक्षा प्रवर्द्धनमा रावाबेँसी गाउँपालिका

प्रतियोगितामा श्री देउराली माध्यमिक विद्यालय डुम्रेधारापानी प्रथम, श्री गङ्गोदय माध्यमिक विद्यालय दुबेकोल द्वितीय , श्री धारापानी माध्यमिक विद्यालय डुम्रेधारापानी तृतीय र श्री कालिका आधारभूत विद्यालय दुबेकोलले सान्त्वना स्थान हासिल गरेका छन्।

पोषण शिक्षा प्रवर्द्धनमा रावाबेँसी गाउँपालिका

प्रतियोगितामा प्रथम, द्वितीय, तृतीय तथा सान्त्वना स्थान हासिल गर्ने विद्यालयहरूलाई झोला, स्टेशनरी लगायतका सामग्री प्रदान गरिएको थियो भने अन्य सहभागी विद्यालयका विद्यार्थीहरूलाई हौसला स्वरूप स्टेशनरी सामग्री प्रदान गरिएको थियो । साथै विजयी विद्यालयहरूलाई सम्मानपत्रद्वारा सम्मान समेत गरिएको थियो ।

पोषणसम्बन्धी जनचेतना अभिवृद्धि गर्ने उद्देश्यले सञ्चालन गरिएको उक्त कार्यक्रमले विद्यार्थीहरूमा ज्ञान, क्षमता र प्रतिस्पर्धात्मक भावना विकास गर्न महत्वपूर्ण भूमिका खेलेको स्वास्थ्य शाखा सम्योजक कौसल अधिकारीले बताउनुभयो l