ऐसेलुखर्क गाउँपालिकाको स्काईभेटरद्वारा ३२०० मिटर सडक निर्माण

खोटाङको ऐसेलुखर्क गाउँपालिका वडा नम्बर-७, माक्पाको मटेउली- बेप्ला सडक खण्ड ( करिब ३,२०० मिटर) ऐसेलुखर्क गाउँपालिकाको स्काईभेटरद्वारा सडक निर्माण कार्य सम्पन्न भएको छ ।

निर्माण कार्य सम्पन्न भएको अवसरमा मटेउली-बेप्ला सडक उपभोक्ताहरुको तर्फबाट आयोजित सडक समुद्घाटन तथा ऐसेलुखर्क गाउँपालिकालाई धन्यवाद ज्ञापन कार्यक्रम शनिबार सम्पन्न भएको छ ।

ऐसेलुखर्क गाउँपालिकाको स्काईभेटरद्वारा सडक निर्माण

९४ वर्षिय जेष्ठ व्यक्तित्व श्रीझमक राई ज्यूको अध्यक्षता, ऐसेलुखर्क गाउँपालिका अध्यक्ष श्री गीरेन्द्र बहादुर राई ज्यूको प्रमुख आतिथ्यता, उपाध्यक्ष श्री राजेश कुमार राजभण्डारी ज्यू, प्रमुख प्रशासकिय अधिकृत श्री रेख बहादुर थापा ज्यूको विशेष आतिथ्यता तथा वडा नम्बर-३ का वडा अध्यक्ष टेकेन्द्र राजभण्डारी, वडा नम्बर-५ का वडा अध्यक्ष टङ्कराम राई, वडा नम्बर-७ का वडा अध्यक्ष अरुण राई, कार्यपालिका सदस्य,वडा सदस्य ज्यूहरु तथा विभिन्न अग्रज व्यक्तित्वहरुको उपस्थितिमा सडक उद्घाटन भएसगै उक्त सडकखण्ड सुचारु भएको गाउँपालिकाका प्रबक्ता टेकेन्द्र राजभण्डारीले मदानी खबरलाई जानकारी दिनु भयो ।