मोबाईल चार्जर बाट निकाल्ने क्रममा करेन्ट लागि एक महिलाको मृत्युु

खोटाङ, २०८२ असार ३०
जिल्ला खोटाङको बारापोखरी गाउँपालिका–४ फाक्टाङमा करेन्ट लागेर एक महिलाको मृत्यु भएको छ।

मृत्यु हुनेमा सोही स्थान बस्ने वर्ष लगभग २५ की इन्द्रा राई रहेको जिल्ला प्रहरी कार्यालय खोटाङले जनाएको छ। घटनास्थलमा प्राप्त जानकारी अनुसार, राति करिब साढे १० बजेको समयमा उनले मोबाइल चार्जरबाट मोबाइल छुटाउने क्रममा करेन्ट लागेको जिल्ला प्रहरी कार्यालय खोटाङले जानकारी  दिएको छ।

करेन्ट लागेपछि तत्कालै उपचारका लागि प्रयास गरिए पनि घटनास्थलमै उनको ज्यान गएको स्थानीय स्रोतले जनाएको छ। घटनाको विस्तृत विवरण तथा आवश्यक अनुसन्धान जारी रहेको प्रहरीले जनाएको छ।

विद्युत् उपकरण प्रयोग गर्दा सावधानी नअपनाउँदा यस्ता घटनाहरू बढिरहेको अवस्थामा, सरोकारवालाहरूले सचेत रहन जिल्ला प्रहरी कार्यालय खोटाङले आग्रह गरेका छन्।