पेट्रोलजस्तो गन्ध आउने ड्यु भेटिए पछी प्रशासनको नीयत्रणमा ड्यु

• खोटाङको दिक्तेल रुपाकोट मझुवागढी नगरपालिका–४ खाल्लेका स्थानीयले पेट्रोलजस्तो गन्ध आउने ड्यु भेटिएको बताएका छन् ।

साउने संक्रान्तीका दिन आफ्नो घरपरीवार सीत बसेर पिउनका लागि दिक्तेलबजार स्थीत हटीयाडाडाको ईन्द्र किराना पसलबाट खरिद गरेको ड्युमा घर लगेर परीवार बसेरखान लाग्दा पेट्रोलको गन्ध आएको दावी गरेका हुन् । स्थानीय सुर्यबहादुर कार्की र सरस्वती कार्कीले शनिबार दिक्तेलबजारको ईन्द्र किराना पसलबाटै तीन बोत्तल ड्यु खरिद गरी लगेका थिए । छिमेकी सावित्रा कट्वाललाई लगिदिएको एक बोत्तल ड्युमा भने कुनै समस्या नदेखिएको स्थानीयहरुलेले बताएकाँछन् ।

बरुण बेभरेज नेपाल प्रालि, काठ्माडौंले उत्पादन गरेको माउण्टेन ड्युको बोत्तलमा १८ मे २०२२ मा उत्पादन मिति उल्लेख छ । दुबै बोत्तलको पिँध अन्य बोत्तलको भन्दा फरक देखिन्छ । बोत्तलको पिँधमा फुल्न लागेजस्तो, कुच्चिए जस्तो र चर्किएजस्तो देखिन्छ । ड्युमा पेट्रोलको गन्ध आएको विषयमा स्थानीय केदार बस्नेतले आइतबार बिहान सामाजिक सञ्जाल फेसबुकमा भिडियो शेयर गरेका थिए । त्यसपछि ड्युका डिलर सञ्चालक र खुद्रा ब्यापारी ग्राहक भेट्न पुगेका थिए । स्थानीय र डिलर सञ्चालकबीचमा चर्काचर्की भएको थियो । ड्युमा मिसावट गरेर उपभोक्ताको स्वास्थ्यमाथि खेलबाड गरेको स्थानीय दावी गर्छन् भने ड्युको डिलर प्रतिनिधि ‘ब्लेम’ लगाएको दावी गरिरहेका छन् । स्थानीयका अनुसार आफुहरुलाई खुद्रा ब्यापारीले समेत भेटेर,फोन गरेर सामाजिक संजालमा हालेकोमा धाक धम्की समेत दिएको मदानी खबर संग गुनासो पोखेकाछन ।

पेट्रोलको गन्ध आउने ड्यु भेटिएको गुनासोपछि जिल्ला प्रशासन कार्यालय र दिक्तेल रुपाकोट मझुवागढी नगरपालिकाको बजार अनुगमन टोली स्थलगत अध्ययनमा पुगेको थियो । ड्युमा अखाद्यवस्तु मिसावट भएको आशंकामा सहायक प्रमुख जिल्ला अधिकारी पवित्रप्रकाश शाही नेतृत्वको बजार अनुगमन जिल्ला समन्वय समिति र नगरपालिका अन्तरगतको स्थानीय बजार अनुगमन समितिले सो दुई बोत्तल ड्यु जफत गरेको छ । प्रहरीसहित पुगेको टोलीले ड्यु खरिद गरिएको पशल तथा ड्युको दिक्तेलस्थित डिलरमा पुगेर निरिक्षण गर्दै ल्याव टेष्टका लागि नमूना संकलन गरेको छ । ड्युमा अखाद्यवस्तुको गन्ध आएको विषयमा अनुसन्धान तथा छानविन गरी दोषीमाथि कारबाहीको माग गर्दै स्थानीयले प्रशासनलाई निवेदन दिएका छन् ।
गत २८ असारमा दिक्तेलकै एक पशलमा पेट्रोलको गन्ध आउने ड्यु पिएको खाल्लेकै रामबहादुर बुढाथोकीले बताए । पेट्रोलको गन्ध आएपछि लसुन खाएर हिँडेको बुढाथोकी बताउँछन् । पेट्रोलको गन्ध आउने ड्यु भेटिएको विषयमा मानव अधिकार आयोगले पनि चासो देखाएको छ ।