दिप्रुङको मैस्याङ डाडा चियाबगान बन्न सुरु

खोटाङको दिप्रुङ चुईचुम्मा गाउँपालिकाले पालिका स्थित रहेको मैस्याङ डाडालाई चियाबगान बनाउने काम सुरु भएको छ । दिप्रुङ चुइचुम्मा गाउपालिकाको वडा नम्बर ६ मा रहेको पर्यटकिय क्षेत्र मैस्याङ डाडा (छितापोखरी)मा लगभग ४० रोपनी भन्दा माथी रहेको सरकारी जग्गामा ७ हजार चियाको बिरुवा रोप्ने काम सुरु भएको हो ।

प्रधानमन्त्री रोजगार कार्यक्रम र गाउपालिकाको साझेदारीमा चियाको बिरुवा रोप्ने काम भएको हो। गाउँपालिकाबाट प्रधानमन्त्री रोजगार कार्यक्रम अन्तर्गत चियाको बिरुवा रोप्ने खाडल तयार पारिएको हो , भने चियाको बिरुवा, मलजल लगायत सम्पुर्ण कार्यहरु पालिकाको चालू आर्थिक बर्षमा बिनियोजन भएको ४ लाख बाट मल र बिरुवा खरिद पालिकाले गरेको छ।

चिया रोपिदै मैश्याङ डाडा

झन्डै १५ लाख बराबर को खर्च मा जम्मा ७ हजार खाडल तयार पारिएको छ भने चियाको बिरुवा पनि ७ हजार खरिद गरिसकेको छ। जसमा आज सम्म चियाको बिरुवा ४ हजार भन्दा बढी रोपिसकेको छ बाकी रोप्ने कार्यक्रम भैरहेको दिप्रुङ चुईचुम्मा गाउपालिकाका अध्यक्ष लोकेन्द्र राईले मदानी खबरलाई जानकारी दिनु भयो ।

पालिका प्रमुख लोकेन्द्र राई

पालिकाले आन्तरिक तथा बाह्य पर्यटन भित्र्याउने, रोजगारी को अवसर जस्ता लक्ष लिएर उक्त चिया रोप्ने कार्यक्रमको योजना तयार गरिएको अध्यक्ष राईको धारणा रहेको छ ।
सुम्निमा पारुहाङ पार्क रहेको मैस्याङ डाडामा अहिले आन्तरिक पर्यटकहरुको गन्तव्यको रुपमा बन्दै गएको छ । सो ठाउँबाट नेपालका विभिन्न हिम श्रीङ्खला डाडा काडा तथा तराईका भागहरु सङै विहानी पख प्रस्ट सङ घाम उदाएको हेर्न सकिने स्थानियहरु बताउछ्न ।सो  डाडामा स्थानिय आन्तरिक पर्यटक हरु फोटो खिच्न , टिकटक बनाउन तथा दृश्य अवलोकन गर्न आउने गरेको छ ।

मैश्याङ डाडामा रहेको सुम्निमा पारुहाङको मुर्ति

चिया रोप्नको लागि वडा नम्बर ६ को वडा अध्यक्ष मिलन राई , वडा न ६ को वडा सचीव सुवास राई , कृषि शाखा प्रमुख एल्वि मगर , मनिराज मगर लगायत सम्पूर्ण वडा नम्बर ६ (छितापोखरी) का नागरिक हरुको सहभागीता रहेको थियो।