जेठ १०, २०८१ बिहिबार

हट मिलन राईको नेपाली कथानक चलचित्र ‘बालापन’ को विशेष प्रदर्शन दिक्तेलमा हुँदै

  • खोटाङको सदरमुकाम दिक्तेल बजारमा खोटाङ्गे यूवा चलचित्र निर्माता हट मिलन राईको नेपाली कथानक चलचित्र ‘बालापन’ को विशेष प्रदर्शन हुने भएको छ ।

खोटाङको दिक्तेल रुपाकोट मझुवागढी नगरपालिकाको वडा नम्बर २ सोल्माका राई निर्माता रहेको चलचित्र यहि असोज २८ र २९ गते दिक्तेलबजारमा प्रदर्शन गर्न लागिएको हो ।

 

नेपाली समाजमा घटेका यर्थात घटनाक्रमलाई समेटेर निर्माण गरिएको यश चलचित्र ‘बालापन’मा नेपालका चर्चित कलाकारहरु सबिन श्रेष्ठ, प्रियङ्का कार्की, धिरेन शाक्य, सोनी बिसी, सुनील थापा, राजकुमार थापा, हट मिलन राई र बाल कलाकारद्वय रितेश दुवाडी तथा आरोही कार्कीलगायतका कलाकारको अभिनय रहेको छ ।

शिव आरजीको निर्देशन रहेको चलचित्र एन्जिलेना फिल्मस् प्रोडक्सन प्रालिको प्रस्तुतिमा निर्माण भएको हो । चलचित्रमा  हट मिलन राई निर्माता तथा इन्दिरा थापा र कला राई सह–निर्माता रहेका छन् । चलचित्रमा रामकृष्ण खरेलको छायांकन रहेको छ । कथानक चलचित्र विशुद्ध समाजसेवा, दिनदुखी, असहाय, अनाथ बालबालिकाको सहयोगार्थ निर्माण गरिएको जनाईएको छ ।

यो खबर पढेर तपाईलाई कस्तो महसुस भयो ?

प्रतिक्रिया राख्नुहोस्

सम्बन्धित खबर