दिप्रुङमा मगर युवा संघको आयोजनामा माघी पर्व भब्य रुपले मनाईदै

खोटाङको दिप्रुङ चुईचुम्मा गाउँपालिका ७ टेम्माका मगर युवा संघ नेपालको आयोजनामा मगर संग संबंधित बिविध  सास्कृतिक  कार्यक्रम आयोजना गरेको छ ।

बर्ष भरिको दुख ,कष्ट, र हैरानिलाई मकर नुहायर पखाले र शुद्ध हुने किम्बदन्ती रहदै आएको माघि पर्वको अवसरमा  मगर युवा संघ नेपाल खोटाङको आयोजनामा “हामी मगर हाम्रो भाषा सस्कृती पहिचान जोगाउने हाम्रो कर्तव्य ” भन्ने मुल नाराका साथ टेम्मा बजारमा माघे सक्रान्तिको शुभकामना आदन प्रदान तथा विभिन्न सास्कृतिक कार्यक्रमहरु गरिने भएको हो । कार्यक्रममा स्थानिय मगर कलाकारहरु द्वारा काैराहा नृत्य,हुर्रा नृत्य प्रदर्शनी गरिने कार्यक्रमका संयोजक तथा मगर युवा संघका अध्यक्ष सुबास मिरिङचिङ मगर ले जानकारी दिनु भएको छ ।
मकर सङ्क्रान्तिको अर्को नाम माघे सङ्क्रान्ति हो । यो पर्व माघ महिनाको सुरूवातको दिन अर्थात् माघ १ गतेको दिन पर्दछ । यस पर्वलाई थारु जातिले माघी भनेर मनाउँछन् र नयाँ वर्ष मान्ने गर्छन्, मगर जातिले मुख्य रूपमा धुमधामको साथ् मनाउने यो पर्वलाई माघ्या/सेर्ल्हेस पनि भनिन्छ । नेपालको समस्त भूभाग, हिमाल, पहाड र तराईका बसोबास गर्ने छेत्री, बाहुन, राई, मगर, लिम्बु, नेवार, गुरुङ, मगर आदि सबै जनजातीले माघे सङ्क्रान्तिलाई आआफ्ना परम्परा, भिन्नभिन्न विशेषता र प्रकृतिले मनाउने गरेको पाइन्छ ।

धार्मिक रूपले यस दिन कुनै मानिसले घर, आँगन र आफ्नो शरीर शुद्ध बनाउन सकेन भने सात जन्मसम्म पनि ऊ निर्धन र रोगी हुन्छ भन्ने मान्यता छ, त्यस्तै वैज्ञानिक दृष्टिकोणले हेर्दा पनि यस पर्वमा परम्परा र संस्कार जीवन्त तुल्याउन गरिने सम्पूर्ण कार्यबाट मानिसको सरसफाइ हुने, मौसमअनुरूपका पोषक चिजबीज खाइने तथा निरोगी भइने हुनाले यो सकारात्मक नै देखिन्छ ।