स्कुलको बसमा पेट्रोल बम प्रहार गरि आगोलागि

चितवनको स्मल हेभन बोर्डिङ स्कुलको बसमा पेट्रोल बम प्रहार गरेर जलाइएको खुलेको छ । प्रहरीको प्रारम्भिक अनुसन्धानबाट पेट्रोल प्रहारपछि बस पूर्ण रूपमा जलेको छ ।

पेट्रोल बमकै कारण बस जलेको खुलेको चितवनमा डीएसपी भेषराज रिजालले जानकारी दिएका छन । आइतबार बिहानै विद्यार्थी बोक्न गएको प्रदेश–०६००१ क ०००४५ नम्बरको बसमा भरतपुर महानगरपालिका–२० स्थित दद्रेनी पुलमा आगजनी भएको थियो । पेट्रोल बम प्रहार गर्दा बस चालक उमेश श्रेष्ठलाई भने बाहिर निकालेको खुलेको छ ।

अनेरास्ववियु (क्रान्तिकारी)ले जारी गरेको विज्ञप्तिमा शैक्षिक माफियाहरूले निःशुल्क शैक्षिक कार्यक्रम ल्याउन बाधक बनेको भन्दै बसमा आगजनी गरेको उल्लेख गरिएको छ ।