खोटाङ्का ट्राफिक प्रहरी मृत अवस्थामा फेला

खोटाङ घर भई ट्राफिक प्रहरी प्रभाग, दरबारमार्गमा कार्यरत प्रहरी युवराज घिमिरेको काठमाडौंको तारकेश्वर नगरपालिका ९, मनमैजुमा शंकास्पद अवस्थामा शव फेला परेको प्रहरीले जनाएको छ ।

बिहीबार ड्यूटी सकेर निस्किएका उनी त्यसपछि कार्यालयमा फर्किएका थिएनन् । अपराह्न मृत भेटिएको खबर आएपछि उपत्यका अपराध अनुसन्धान कार्यालयका प्रमुख एसएसपी सानुराम भट्टराई, जिल्ला प्रहरी परिसर, काठमाडौंका प्रमुख एसएसपी वसन्त रजौरेसहित प्रहरीको केन्द्रीय अनुसन्धान ब्यूरो (सीआईबी) को टोली घटनास्थलमा पुगेको छ ।

घटनास्थलमा पुगेका एक प्रहरी अधिकृतका अनुसार, निर्माणाधीन घरको तल उनी मृत अवस्थामा भेटिएका हुन् । शव भेटिएलगत्तै प्रहरीको केनाइन शाखाबाट तालिम प्राप्त कुकुरलाई पनि घटनास्थलमा लगिएको छ ।

प्रारम्भिक जाँच गरेर शवलाई पोष्टमार्टमका लागि पठाइएको छ । घटनाका बिषयमा थप अनुसन्धान भइरहेको छ,अपराधीलाई तत्काल खोजीकार्य गरी कार्यबाहीमा लाग्ने प्रहरीले जनाएको छ ।