बुवाको सम्झनामा विद्यालयमा ५० हजार ५ को अक्षयकोष

भदौ २१,खोटाङ / स्वर्गीय भरतजङराईको छोराहरुले बुवाको सम्झनामा विद्यालयमा अक्षयकोष स्थापना गरेका छन् ।

खोटाङको खोटेहाङ गाउपालिका वडा नं. ३ सावाकटहरेका वडा अध्यक्ष तथा बिद्यालय व्यवस्थापन समितिका अध्यक्ष जेफर राई र हाल कर्मथलो युके मा रहनु भएका एण्डि राईले श्री सावानागी आधारभुत विद्यालयको नाममा ५० हजार ५ रुपैयाँको भरतजङ राई स्मृति अक्षयकोष स्थापना गरेका हुन ।
बिद्यालयको ६४ औ वार्षिक  उत्सब कार्यक्रममा शुक्रबार उहाहरूले खोटेहाङ गाउपालिका ३ सावाकटहरेमा रहेको सावानागी आधारभुत विद्यालयलाई ५० हजार ५ रुपैयाँको चेक हस्तान्तरण गर्नुभएको थियो ।
चेक विद्यालयका प्रधानाध्यापक देवराज सापकोटालाई गाउपालिका अध्यक्ष उदिम राई ( मुक्ति) र अक्षयकोष स्थापना कर्ता जेफर राईले  हस्तान्तरण गर्नु भएको थियो ।

चेक हस्तान्तरण गरिदै जेफर राई,उदिम राई मुक्ति र प्रधानाध्यापक

अक्षयकोषको व्याजले विद्यालयमा अध्ययनरत बिपन्न परिवारवाट अध्यन गर्ने एक छात्रा र एक छात्र (एक महिला १पुरुष ) विद्यार्थीलाई वाषिर्क रुपमा पुरस्कार प्रदान गरिने कोष स्थापना कर्ता राईले बताउनु भयो ।
विद्यालयका बिपन्न र जेहेन्दार विद्यार्थीको उज्ज्वल भविष्यका लागि उक्त अक्षयकोष स्थापना गरेकाले उद्देेश्य प्राप्तिका लागि उक्त अक्षयकोष उपयोग गरिने विद्यालयका प्रधानाध्यापक ले जानकारी दिनु भयो ।
स्वर्गीय भरतजङ राई सोही बिद्यालयका प्रधानाध्यापकको रुपमा कार्यरत रहदा ताकानै उहाँको आकस्मिक निधन भएको थियो ।