सुमो र मोटरसाइकल ठोक्किएर दुर्घटना

खोटाङमा सुमो र मोटरसाइकल ठोक्किएर दुर्घटना भएको छ।
दिक्तेल रुपाकोट मझुवागढी नगरपालिका-१३ नुनथलास्थित पानीट्याङ्की अगाडी मध्यपहाडी लोकमार्गमा मंगलबार बिहान दिक्तेलतर्फ आउदै गरेको सुमो र विपरीत दिशाबाट जादै गरेको मोटरसाइकल ठोक्किएर दुर्घटना भएको हो।
दुर्घटनामा बा ९३ प १९१३ नम्बरको मोटरसाइकल चालक पाथेकाका मदन गिरी र पछाडी बस्ने सोही ठाउँका लक्ष्मी प्रसाद गिरी गम्भीर घाइते भएका छन्।

दुर्घटनामा परेको ना १ ज ६२१९ नम्बरको सुमोको अघिल्लो भागमा क्षति भएको छ। सुमोमा चालकसहित ४ जना सवार थिए। उनीहरुलाई केही नभएको जनाईएको छ।

मोटरसाइकल गलत दिशामा गएकाले दुर्घटना भएको प्रारमभिक अनुमान गरिएको छ।