सावाकटहरेमा अन्धकार अन्त्य गर्न वडा अध्यक्ष द्वारा ३६ हजार सहयोगको घोषणा

खोटाङ – झण्डै दुई महिनादेखि अन्धकारमा रहेका सावाकटहरे क्षेत्रका नागरिकहरू अब उज्यालोमा फर्किने भएका छन्। सावाकटहरेका पूर्व ९ वटामध्ये ६ वटै वडामा विद्युत आपूर्ति ठप्प भएको अवस्थामा, बिग्रिएको मेसिन मर्मतका लागि आर्थिक अभाव रहेको जानकारी पाएपछि वडा अध्यक्ष जेफर राईले बनाईदिने घोषणा गर्नु भएको छ।

वडा अध्यक्ष जेफर राई

बिजुली आपूर्ति गर्ने नर्खुवा साना जलविद्युत आयोजनाको मेसिन मर्मतका लागि आवश्यक पर्ने रु ३६ हजार सहयोग गर्ने अध्यक्ष राईले घोषणा गर्नु भएको हो ।

बिग्रीएको मेसिन

अध्यक्ष राईले सामाजिक फेस्बुकमा लेख्दै भन्नु भयो “अब विद्युतको मेसिन बनाउने पैसा दिएर नागरिकहरुलाई अन्धकारबाट उन्मुक्ति दिलाउने छु,” “प्राविधिकसँगको सल्लाहअनुसार मर्मत खर्च ३६ हजार पर्ने जानकारी पाएकाले मेरो भत्ताबाट उक्त रकम उपलब्ध गराउने निर्णय गरेको छु।”

स्थानीय तहको भत्ताबाट यस्तो सहयोग गरिँदा नागरिकमा राहत र स्थानीय नेतृत्वप्रतिको विश्वास बढ्ने निस्चित छ।