खोटाङको केपिलास गाउँपालिका–६, दिप्सुङमा सञ्चालित ‘एक घर एक धारा’ खानेपानी योजना सम्पन्न

खोटाङको केपिलास गाउँपालिका–६, दिप्सुङमा सञ्चालित ‘एक घर एक धारा’ खानेपानी योजना सम्पन्न भएको छ। जि फाउन्डेसनको ४८ लाख ९४ हजार ७३८ रुपैयाँ र स्थानीय समुदायको ५ लाख ७६ हजार ४७२ रुपैयाँ बराबरको लागतमा योजना निर्माण भई सोमबार एक कार्यक्रमबीच समुदायलाई औपचारिक रूपमा हस्तान्तरण गरिएको हो।

खोटाङको केपिलास गाउँपालिका–६, दिप्सुङमा सञ्चालित ‘एक घर एक धारा’ खानेपानी योजना सम्पन्न हस्तान्तरण ।

गाउँपालिका अध्यक्ष समीर राईका अनुसार यसअघि गाउँपालिकाको ३० लाख रुपैयाँ लगानीमा ५८ वटा धारा, इन्टेक र ट्याङ्की निर्माण सम्पन्न गरिएका थिए।

उक्त योजनाबाट अहिले स्थानिय साङ्ख खोलाको पानी प्रत्यक्ष रूपमा घरघरमा पुगेको र अझ बाँकी रहेका घरहरूमा पनि चाँडै नै पानी पुर्‍याउने काम अघि बढाइएको अध्यक्ष राईले जानकारी दिए।

उक्त योजना सम्पन्न भएसँगै स्थानीय बासिन्दाहरूले दैनिक खानेपानीका लागि लामो दूरीको यात्रा गर्नुपर्ने बाध्यताबाट मुक्ति पाएकोमा स्थानियहरुले उत्साहित हुँदै धन्यवाद व्यक्त गरेका छ्न ।