जिल्ला ट्राफिक प्रहरी कार्यालय खोटाङलाई प्लास्टिक कुर्सी र दुई थान खाट प्रदान

दिक्त्तेल रुपाकोट मझुवागढी नगरपालिका ३ बाम्राङले जिल्ला ट्राफिक कार्यालय खोटाङ्लाई १० थान प्लास्टिकको कुर्सी र २ थान खाट प्रदान गरेको छ । शुक्रबार खोटाङ्को दिक्तेल बजार स्थित रत्नपार्कमा रहेको ट्राफिक कार्यलयमा दिक्तेल रुपाकोट मझुवागढी नगरपालिका ३ का वडा अध्यक्ष ललित कुमार राईले ट्राफिक प्रहरिका जिल्ला ईन्चार्ज दल बहादुर खत्रीलाई एक कार्यक्रमको आयोजनागरी प्रदान गरिएको हो ।

आफ्नै वडामा ट्राफिक कार्यलय बसेको कारण सवारी साधनको दुरुपयोग र दुर्घटना न्यूनीकरण गर्न महत्वपूर्ण जिम्मेवारी रहेको कार्यलयलाई कुर्सी र आराम गर्नकै लागि खाटको अभाव रहेको थाहा भएकोले वडा कार्यलयको तर्फबाट ७ सय रुपैयाको दरले पर्ने प्लास्टिकको कुर्सी १० थान र ५ हजार रुपैयाँ पर्ने सुत्ने खाट २ थान प्रदान गरिएको वडा अध्यक्ष राईले बताउनु भयो । ट्राफिक कार्यलय नयाँ ठाउमा भर्खरै सरेकोले ब्यवस्थापनमा कठिनाई रहेको छ । सवारी चालक अनुमति पत्र बिना सवारी साधन चलाएका , दुर्घटनामा सम्लग्नहरुलाई ट्राफिक नियम पढाउनका लागि तथा अतिथि आउदा बस्न समेत अति आवश्यकिय रहेको कुर्सी तथा खाट उपलब्ध गराएकोमा जिल्ला ट्राफिक प्रहरी कार्यालय खोटाङका प्रमुख प्रहरी सहायक निरीक्षक दलबहादुर खत्रीले ३ नम्बर वडा र वडा अध्यक्ष राई प्रती खुसी व्यक्त गरेका छ्न ।