अटो दुर्घटना : ४ वर्षीय बालक गम्भीर घाइते

खोटाङ, दिक्तेल । दिक्तेल रुपाकोट मझुवागढी नगरपालिका–७ कार्तिकेस्थित मध्य पहाडी लोकमार्गमा शनिबार बिहान अटो दुर्घटना हुँदा एक बालक गम्भीर घाइते भएका छन्।
बिहान करिब ८:३० बजे बुवालुङबाट दिक्तेलतर्फ आउँदै गरेको प्र.०१–०२–००४ ह ९५७४ नम्बरको अटो अनियन्त्रित भई सडकबाट पल्टिँदा दुर्घटना भएको हो।

अटो दुर्घटना

दुर्घटनामा ४ वर्षीय करण बानिया टाउको र अनुहारमा चोट लागेर गम्भीर घाइते भएका छन्। उनकी आमा २३ वर्षीया अस्मिता बानिया भने सामान्य घाइते भएकी छन्।
घाइते बालकको जिल्ला अस्पताल खोटाङमा उपचार भइरहेको जिल्ला प्रहरी कार्यालय खोटाङले जनाएको छ।
अटो चालक २६ वर्षीय चन्द्र बूढाथोकीलाई प्रहरीले नियन्त्रणमा लिएको छ भने दुर्घटनामा संलग्न अटो पनि नियन्त्रणमा राखिएको छ। घटनाबारे थप अनुसन्धान भइरहेको प्रहरीले जनाएको छ।