जिल्ला फुटबल संघ खोटाङको अध्यक्षमा ध्रुबबिक्रम राई

खोटाङ, ५ बैसाख । जिल्ला फुटबल संघ खोटाङको अध्यक्षमा ध्रुबबिक्रम राई चयन भएका छन् । अखिल नेपाल फुटबल संघ (एन्फा)को सदस्यता प्राप्त फुटबल संघको सोमबार सम्पन्न प्रथम अधिबेसनबाट राई पुःन अध्यक्षमा सर्वसम्मत दोहोरिएका हुन् । राई यसअघि जिल्ला फुटबल संघको तदर्थ समिति अध्यक्ष थिए ।

संघको उपाध्यक्षमा समीर राई, उद्धब राई र रोशेस श्रेष्ठ, महासचिवमा काजिमान राई र कोषाध्यक्षमा रोशन राई चयन भएका छन् । फुटबल संघको सदस्यमा कमल चाम्लिङ राई, भानु राई, बिनोद तिरुवा, सुमन पुमा र सनम राई चयन भएका छन् । जिल्ला समन्वय समितिको सभाहलमा आयोजना गरिएको अधिबेसन फुटबल संघका प्रदेश उपाध्यक्ष प्रबिण सुवालले उद्घाटन गरेका थिए । कार्यक्रमको जिल्ला फुटबल संघ खोटाङका अध्यक्ष ध्रुर्बबीक्रम राईको सभापतीत्वमा दीक्तेल रुपाकोट मझुवागढि नगरपालिकाका नगर प्रमुख दिपनारायण रीजालको प्रमुख आथीत्यता र पुर्व जिल्ला खेलकुद समीतिका अध्यक्ष महेश राईको बीषेस आतिथ्यतामा सम्पन्न भएका थियो ।

खोटाङमा २०७३ सालमा जिल्ला फुटबल संघ स्थापना गरिएको थियो । फुटबल संघमा जिल्लाका १० वटा फुटबल क्लव आवद्ध छन् । जसमा खोटाङ भगवती स्पोर्टस क्लब ,सोल्मा स्पोर्टस क्लब , खाराम्बु स्पोर्टस क्लब , नेर्पा स्पोर्टस क्लब , नमुना स्र्पोटस् क्लब , खोटाङ फुटबल एकडेमी ,बाक्सीला फुटबल क्लब , बुईपा ११ स्पोर्टस क्लब , हलेसी तुवाचुङ फुटबल क्लब,नुनथला फुटबल क्लब रहेको छ ।
जिल्ला फुटबल संघको पहलमा खोटाङले अखिल नेपाल फुटबल संघ एन्फाको स्थायी सदस्यता प्राप्त गरेको हो ।

२०५९ सालदेखि एन्फाको सदस्यता लिन प्रयास गरेको खोटाङलाई २०७५ सालमा अस्थायी र २०७७ सालमा स्थायी सदस्यता प्राप्त भएको फुटबल संघका नवनिर्वाचित अध्यक्ष राईले बताए । यसका साथै जिल्लामा फुटबल क्षेत्रमा राजनिति प्रवेश हुन नदिने र सुस्ताएको खेल क्षेत्रलाई चलाएमान गराउन एन्फा सँग समन्वय गरी सबै खेलाडिहरुको लागी तालिम सन्चालन गर्ने लगाएतका उद्धेश्य रहको अध्यक्ष राईले धारणा ब्यक्त गर्नु भयो ।