पेट्रोलिय पदार्थको मुल्या वृद्धि खारेजको माग गर्दै विरोध

खोटाङ, पेट्रोलिय पदार्थको मुल्या वृद्धि खारेजको माग गर्दै खोटाङमा एमाले निकट अनेरास्वबियु र युवा संघले विरोध कार्यक्रम गरेको छ ।

सरकारले छोटो समयमा पटक–पटक पेट्रोलिय पदार्थको मुल्या वृद्धि गरेर जनताको ढाड सेक्ने काम गरेको भन्दै अनेरास्वबियु र युवा संघले विरोध कार्यक्रम मंगलबार विरोध कार्यक्रम गरेको हो ।
पेट्रोलिय पदार्थको मुल्या वृद्धिको विरोधमा अनेरास्वबियु र युवा संघले दिक्तेलको भवनगैरास्थित एमाले पार्टी कार्यालयबाट त्रिबेणीचोकसम्म सरकार बिरुद्ध नाराबाजी गर्दै बिरोध ¥याली निकालेको थियो । अनेरास्वबियु र युवा संघले पेट्रोलिय पदार्थको मुल्या घटाएर नागरिकलाई राहतको महसुस गराउन सरकारको ध्यानाकर्षण गराएको छ । कोणसभालाई सम्बोधन गर्दै अनेरास्वबियुका केन्द्रिय सचिवालय सदस्य नेता ओमप्रकाश घिमिरे र पुर्वकेन्द्रिय सदस्य दिपक ठटालले सरकारले पेट्रोलिय पदार्थको मुल्या नघटाए आन्दोलन थप शसक्त बनाउने चेतावनी दिएका छन् ।