प्रेमिल जोडीको कथामा आधारित ‘सोमबारे हाटैमा’ सार्वजनिक (भिडियो सहित)

काठमाडौं । गीतकार किशोर चाम्लिङ राईको ‘सोमबारे हाटैमा’ गीत सार्वजनिक भएको छ ।

पूर्वेली लोक भाकाको गीत ‘सोमबारे हाटैमा’मा गायिका सुनिता थेगिम र गायक रत्न राईले स्वर भरेका छन् । राईको गीत टाइमलाइन टिभीमार्फत दर्शकमाझ सार्वजनिक गरिएको हो । गीतमा प्रेमजोडीको प्रेमालापबारे गीतकार चाम्लिङले शब्दमार्फत उतारेका छन् । प्रेमी प्रेमीकाको गहिरो मायाप्रेमलाई गीतकारले फूल उनेर माला बनाइदिएका छन् ।

गीतमा पहिलो भेट खोटाङको तुवाचुङ डाँडामा साकेला नाच्दा जाँदा भेट भएको बेलीविस्तार गीतमार्फत लगाउँछ । त्यसपछि सन्जोगले दोस्रो भेट फेरि रम्भुवा मेलैमा भटेको कुरा बताएका छन् । स्टुडियो किङमा रेकर्ड गरिएको गीतमा संगीत रत्न राई स्वयंले भरेका छन् भने एरेन्ज कृष्णभक्त राईले गरेका छन् । यस्तै, गीतको कोरस मनिषा राई र दिपा तामाङले निर्वाह गरेका छन् भने गीतको रेकङ सुरेश राईले गरेका छन् । गीतको मिक्सिङ÷मास्टरिङ राजु कार्कीको रहेको छ ।
सरल भाषामा प्रेमजोडीको प्रेमसँगै गाउँले जीवनबारे पनि गीतकारले शब्दमार्फत बयान गरेका छन् । गाउँको मेलपात, हलेसी बजार, कानैमा ढुङ्ग्री नाकैमा फुली, खाँडीको थान, कपासको धागो, घुर्यानको बारी, गाईगोठलगायत दृश्यहरुलाई गीतकार चाम्लिङले गीतमार्फत सजिलो ढंगले वर्णन गरेका छन् ।

राईले यस अघिपनि बगैचाको कुन डालिमा, बनकी चरी, मलाई जल्न देऊ, दुवाली छेकेर, नेपालकी छोरी लगायतका चर्चित गीतहरू बजारमा ल्याइसकेका छन् ।

हेर्नुस् भिडियो