सरकारी सवारी साधनकोे व्यापक दुरुपयोग

खोटाङ, २५ माघ । खोटाङमा सरकारी सवारी साधनको व्यापक दुरुपयोग भएको पाइएको छ ।
स्थानीय तहको निर्वाचनपछी नागरिकको काम गर्न सहज होस भनी जनप्रतीनीधीलाई दिइएको सरकारी नम्बर प्लेटको चार पाङ्ग्रे गाडी, मोटरसाईकलको देशैभरी दुरुपयोग गरिएको पाईएको छ । अधिकांश मन्त्री देखी स्थानीयस्तरका सरकारका प्रमुखहरुको सवारी साधन पार्टीको कार्यक्रम देखी कार्यकर्ताको विवाह ,छेवर,पास्नी,ब्रतबन्ध र घुमफीर मनोरन्जनको लागी प्रयोग गरेको पाइएको हो ।
केहि दिन अगाडी देशभर वर्षासहित हिमपात परेको समयमा जिल्लाको दिक्तेल रुपाकोट मझुवागढी नगरपालिकास्थित हुर्लुङमा हिँउ खेल्नका लागि विना काम कार्यालय बन्द हुँदा सरकारी सवारी साधनको दुरुपयोग भएको पाइएको हो ।
गत शुक्रबार जिल्लामा हिमपात भएको समयमा हीउ खेल्नका लागि बा २ ब ८१९३ नम्बरको सरकारी मोटरसाइकल दुरुपयोग भएको पाइएको हो । उक्त सवारी साधन दिक्तेल रुपाकोट मझुवागढी नगरपालिका –२ सोल्मा वडा कार्यालयको रहेको २ नम्बर वडा सदस्य अमर श्रेष्ठले मदानी खबरलाई बताउनुभयो । उहाँले भन्नुभयो, “वडा कार्यालयको यो सवारी साधन बिना काम दुरुपयोग हुनु दुखद् भएकोले यसको छानमीन गरीने छ ।

यता, हामीले वडा अध्यक्ष हर्कबहादुर खत्रीसँग गरेको कुराकानी अनुसार हाम्रो वडा कार्यालयको सवारी साधन वडाकै कृषि प्राविधीक गणेश आचार्यसँग थियो । उहाँसँग भएको सवारी साधन कसरी हुर्लुङ पुग्यो थाहा नभएको बताएका छन् । तर, सामाजिक सञ्जाल (फेसबुक)मा मदानी खबरका अध्यक्ष तथा सञ्चालक सिताराम राई (सञ्जिव)ले स्टाटस सार्वजनिक गरेपछि आफुलाई बल्ल थाहा भएको वडा अध्यक्ष खत्रीले जानकारीदिए ।

खत्रीले भने, मैले कृषि प्राविधिक आचार्यलाई बोलाएर सोधे वडा कार्यालयको मोटरसाइकल तपाईसँग भएको कसरी त्यहा पुग्यो? आचार्यले भने, मैले हाम्रै कार्यालयका भेटेनरी (पशु) कर्मचारीलाई दिएको बताए । तर, हामीले वडा अध्यक्ष खत्रीले भनेको कुरालाई आधार मानेर कृषि प्राविधिक आचार्यलाई सम्पर्क गर्न खोजेका थियौँ, उहाँको ९८४२९४७५९७ नम्बरको मोबाइलमा फोन सम्पर्क हुन सकेन ।