आसन्न निर्वाचनका उम्मेद्बारी माओवादी खोटाङले पनि एकल नाम सिफारिस गर्न सकेन , आकाङ्क्षि उम्मेद्बारीको लाईन

आसन्न मङ्सिरमा ४ मा हुनगैइरहेको निर्वाचनका लागि नेकपा (माओवादी केन्द्र) खोटाङले प्रतिनिधिसभा र प्रदेशसभाका आकाङ्क्षि उम्मेद्वारहरुको टुङ्गो लगाएको छ ।
नेकपा माओवादी केन्द्र जिल्ला समन्वय समितिको आयोजनामा प्रदेश समिति सदस्य र सो भन्दा माथिल्लो जिम्मेवारीमा रहेका नेताको उपस्थितिमा २१ र २२ गतेको बैठकले उम्मेदवार टुंगो लगाएको हो । मङलबार माओबादी केन्द्रको कार्यालयमा पत्रकार सम्मेलन गर्दै प्रत्यक्ष तर्फ माओवादी केन्द्रका केन्द्रीय अनुशासन आयोगका अध्यक्ष टंक राई, केन्द्रीय सदस्य रामकुमार राई (पासाङ), समिता कार्की (अस्मिता) र दुर्गाजयन्ती राईको नाम सिफारिस गर्ने निर्णय गरिएको पत्रकार सम्मेलनमा जानकारी दिइएको हो । समानुपातिकतर्फ प्रदेश समिति सदस्य टंकनाथ तामाङ र पर्शुराम विश्वकर्माको नाम सिफारिस गरिएको छ ।

नेकपा माओवादी केन्द्रको प्रस्तावित नाम लिस्ट

प्रदेशसभा (क)मा प्रत्यक्षतर्फ जीवन राई (संगिन), हस्तबहादुर राई (आमोद), बिकास राई र सिताराम अधिकारीलाई सिफारिस गरेको छ । यस्तै, समानुपातिकतर्फ जयप्रसाद आचार्य, मनकुमारी रसाइली, अगमसिंह राई, बन्दना तामाङ, ज्ञानबहादुर भुजेल र जयप्रकाश राईको नाम सिफारिस भएका छन् ।
यस्तै, प्रदेशसभा (ख)मा प्रत्यक्षतर्फ ध्रुव बुढाथोकी (धिरन), देवान चाम्लिङ (पृथ्वी) र दीपक पाण्डे (आकाश)को नाम सिफारिस गरिएको छ । समानुपातिकतर्फ निसाना राई, कल्पना चाम्लिङ (सोनीया), विनिता राई (सुशील), डा. विष्णु राई, नवल खड्का, गजेन्द्र राई, सुमिना राई र नरेन्द्र निर्विकारको नाम सिफारिस गरिएको पत्रकार सम्मेलनमा मार्फत जानकारी दिइएको छ ।
केन्द्रीय अनुशासन आयोगका अध्यक्ष टंक राई राईका अनुसार एक ब्यक्तिलाई मात्र सर्ब सम्बत सिफारिस गर्न नसक्नुमा समय अबधि छोटो रहेको र गटबन्धनका कारण आफुहरुको भागमा के पर्ने या नपर्ने निश्चित नभएका कारण रहेको बताए । केन्द्रमा सहमती जुट्न बाकी छ । नेता राईका अनुसार आवश्यकताको आधारमा प्रस्तावित नाम बाटै सर्बसम्बत सिफारिस गरिने बताए ।