तरहरा ईटहरी हुदै दिक्तेल आउदै गरेको जिप दुर्घटना

सिताराम राई (सञ्जिव)

तरहरा ईटहरी हुदै दिक्तेल आउदै गरेको जिप दुर्घटना हुँदा ४ जना घाइते भएका छन् । हलेसी तुवाचुङ नगरपालिका–४ बडहरेस्थीत खोक्सेली खोलामा प्रदेश नं. १–०२–००१–ज ४०२४ नम्बरको जिप दुर्घटना हुँदा आज ४ जना घाइते भएका हुन् ।               घाइतेहुनेहरुमा बेलबारी नगरपालिका–११ लक्ष्मीमार्ग बस्ने ३८ वर्षिय राजकुमार गुरुङ निजकी श्रीमती वर्ष ३१ की अन्जु गुरुङ, उनिहरुका ७ वर्षिय छोरी नियाषा गुरुङ रहेको जिल्ला प्रहरी कार्यालय खोटाङका सूचना अधिकारी राम बालक रायले बताउनुभयो । उहाँका अनुसार इटहरी नगरपालिका–२० तरहराका ४० वर्षिय विनोद गुरुङ सामान्य घाइते भएका छन् ।             ड्राइभर सहित ८ जना सवार जिप अनियन्त्रित हुँदा सडकबाट अन्दाजी १०० मिटर तल खसेको छ । घाइतेहरुको खोक्सेलीस्थीत मन्दिर डाडामा प्राथमिक उपचार पछि थप उपचारका लागि जिल्ला अस्पताल दिक्तेल पठाइएको इलाका प्रहरी कार्यालय हलेसीले जनाएकोछ ।