डेबिट राई युवा संघको केन्द्रिय सदस्यमा भारी मतसहित विजयी

डेबिट राई युवा संघको केन्द्रिय सदस्यमा भारी मतसहित विजय

पोखरा – पोखरामा सम्पन्न राष्ट्रिय युवा संघ नेपालको १०औं राष्ट्रिय महाधिवेशनबाट डेबिट राई भारी मतका साथ केन्द्रिय सदस्य पदमा विजयी भएका छन्। नेकपा एमाले निकट भातृ संगठनको रूपमा रहेको युवा संघको यस अधिवेशनमा पदाधिकारी र सदस्य चयनका लागि सहमति हुन नसकेपछि डिजिटल भोटिङमार्फत जाने निर्णय गरिएको थियो।

राईले सयौं उम्मेदवारहरूलाई पछि पार्दै केन्द्रिय सदस्यमा अत्यधिक मतसहित निर्वाचित भएका हुन्। २०५५ सालदेखि प्रारम्भिक कमिटी हुँदै २०६४ सालमा अखिल प्रचार विभाग प्रमुखको जिम्मेवारी सम्हालेका राई पछि युवा संघको खोटाङ सचिवालय सदस्यसमेत भइसकेका छन्। यसअघि पनि उनी संघको केन्द्रिय सदस्य रहिसकेका थिए।

युवा संघको १० औ अधिवेशन

खोटाङ जिल्लाको ऐसेलुखर्क गाउँपालिकामा जन्मिएका राई पेशाले सफल निर्माण व्यवसायी हुन् भने सामाजिक सेवामा पनि सक्रिय रहेका छन्। युवाबीच उर्जाशील र सकारात्मक सोच बोकेका व्यक्तिका रूपमा परिचित राई यसपटक राष्ट्रिय अधिवेशनमा भुगोलतर्फबाट सदस्य पदमा उम्मेदवार बनेका थिए।

युवा संघको १० औ अधिवेशन

“यो जित मेरो मात्र होइन, खोटाङका सकारात्मक सोच भएका युवाहरूको जित हो,” राईले मदानी खबरसँगको कुराकानीमा बताए। “देशभरबाट प्रतिनिधित्व गर्दै मतदान गर्नुभएका सबैलाई म यो जित समर्पित गर्न चाहन्छु,” उनले थपे।

विजयपछि उनले भने, “मलाई पदको लालसा कहिल्यै थिएन, तर जिम्मेवारीप्रति सधैं गम्भीर छु।आगामी दिनमा युवा संघ र पार्टिलाई अघाडी बनाउन गम्भिरता,ईमान्दारिता  र जिम्मेवारी पुर्वक आफ्नो भुमिका निर्वाह गर्ने प्रतिबद्धता जाहेर गर्छु ।

विजयी हुन विशेष मेहेनत गरेको थिइनँ, तर बल्ल थाहा पाए, सबैको मन जितिसकेको रहेछु।”यश ठाउँ सम्म ल्याउन प्रत्यक्ष अप्रत्यक्ष भुमिकाखेल्नु हुने प्रती धन्यवाद व्यक्त गर्दछु ।

युवा संघको १० औ अधिवेशन

देशभर बाट राष्ट्रिय युवासंघ नेपाल को दशौ राष्ट्रिय महाधिबेशनको कुल मतदाता रहेको मध्ये १७६५  थियो । जस मध्ये खसेको  मत १४०४ रहेको थियो ।