किताब बेच्ने महावीर पुनलाई सुनको गहना फुकाएर दिइन्

किताब बेच्ने महावीर पुनलाई सुनको गहना फुकाएर दिइन् 

पुनलाई युबतिले दिए सुन

भेडेटारमा किताब बेच्न गएका महावीर पुनलाई स्थानीय एक युवतीले आफुले लगाएको गहना दिएकी छिन् ।
महावीर पुनले उक्त विषयलाई फेसबुकमा यसरी लेखेका छन् । भेडेटार बाट धरान झरेर बजार भन्दा अलि बाहिर एउटा टोलमा किताब बेच्दै जाँदा एक जना बहिनी दौडदैं आएर तल फोटोमा देखाएको सुनको गहना दिईन।

पुनलाई कानको सुन

मैले लिन मानिन । तर उनले बीरगञ्जको कृषि औजार कारखानालाई सहयोग हो दाजु र यो मेरो आफ्नै गहना हो भने पछि नलिइ भएन। मैले उनको घर हेरें । टिनले छाएको र इट्टाको गारो भएको सानो घर थियो। उनले फोटो खिच्न मानिनन् र नाम उल्लेख नगर्ने भनिन। उनको उमेर ३५ वर्ष जति थियो। उनको थर राई रहेछ।
धरान बजारमा आएर सुन पसलमा गएर जोख्न लगाएँ । त्यो गहना ६ आनाको रहेछ र मुल्य करिब ६२ हजार रुपैयाँ पर्ने रहेछ। ति बहिनीले बीरगञ्ज कृषि औजार कारखानाको धेरै भिडियोहरु युट्युबमा हेरेकी रहिछन ।