असार २५, २०८१ मंगलबार

प्रदेश स्तरिय महिला फुटबल प्रतियोगीतामा झापा बिजेता बनेको छ

खोटाङमा आयोजित प्रदेश स्तरिय महिला फुटबल प्रतियोगीतामा झापा बिजेता बनेको छ । दिक्तेल रुपाकोट मझुवागढी नगरपालिका–१४ बुईपास्थित यलम्बर रंगशालामा असार २५ गते सम्पन्न प्रतियोगीतामा भोजपुरलाई हराउँदै झापा बिजेता बनेको हो ।

प्रथम  टिम बिजेता

प्रथम टिम बिजेता

वर्षाको अवरोधका बिच सम्पन्न फाइनल खेलमा झापाले १ गोल गर्दा भोजपुरले कुनै पनि गोल गर्न सकेन । हारसँगै भोजपुर उपविजेता बनेको छ ।
गत असार २० गतेदेखि जारी प्रतियोगीताका बिजेता झापाले नगद २ लाख तथा उपविजेता भोजपुरले १ लाखका साथमा ट्रफी, मेडल र प्रमाण–पत्र हात पारेका छन् ।

उपबिजेता टिम भोजपुर

उपबिजेता टिम भोजपुर

प्रदेश खेलकुद विकास बोर्डको आयोजना एबं जिल्ला खेलकुद विकास समिति खोटाङको संयोजनमा प्रतियोगीता आयोजना गरिएको हो ।
प्रतियोगीतामा बेष्ट प्लेयर अफ द टुर्नामेन्टको उपाधि झापाकी जेनिफर राना मगरले हात पारेकी छन् । उनलाई बुईपा घर भइ हाल अमेरिका रहेका व्यवसायी बिश्व राईले उपलव्ध गराएको ३० हजार र आयोजकको ५ हजार सहित ३५ हजारका साथमा ट्रफी प्रदान गरिएको छ । जेनिफर प्रतियोगीताको हाईस्कोरर पनि बनेकी जिल्ला खेलकुद विकास समिति खोटाङका अध्यक्ष रमेश राई (महेश)ले बताए । प्रतियोगीतामा जेनिफर एक्लैले नौ गोल गरेकी थिईन् ।

 

प्रथम  टिम बिजेता

प्रथम टिम बिजेता

प्रतियोगीतामा बेष्ट गोलकिपर झापाका जसोदा लिम्बू, बेष्ट डिफेन्डर भोजपुरका कमला श्रेष्ठ, बेष्ट मिडफिल्डर झापाका सिम्रन राई र बेष्ट फरवार्ड भोजपुरकी आरती भुजेल भएकी छन् । यस्तै, राइजिङ प्लेयर खोटाङका रिया राई र बेष्ट कोच झापाका सन्तबहादुर रायमाझी बनेका छन् । उनीहरुलाई जनही तीन हजारका साथमा ट्रफी प्रदान गरिएको छ । विजेता टिम तथा उत्कृष्ट खेलाडीलाई प्रदेश खेलकुद विकास बोर्डका सदस्य सचिव कृष्ण बस्नेत, दिक्तेल रुपाकोट मझुवागढी नगरपालिकाका मेयर तीर्थराज भट्टराई लगायतले पुरस्कार हस्तान्तरण गरेका थिए ।


प्रदेशका सामाजिक विकास मन्त्री पाँचकर्ण राईले उद्घाटन गरेको प्रतियोगीतामा प्रदेशभरीका १४ जिल्लाका महिला खेलाडीको सहभागीता रहेको थियो । प्रतियोगीताका लागि प्रदेशको सामाजिक विकास मन्त्रालयले २० लाख प्रदान गरेको जिल्ला खेलकुद विकास समितिले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया राख्नुहोस्

सम्बन्धित खबर