टेम्मामा अमराजेम्पा रहरसिंह राई स्मृति फुटबलको तयारी

खोटाङ, १९ मंसिर । खोटाङको दिप्रुङ चुइचुम्मा गाउँपालिका–७ टेम्मामा अमराजेम्पा रहरसिंह राई स्मृति पुरुष फुटबल प्रतियोगीताको दोश्रो संस्करणको तयारी गरिएको छ । ‘दिप्रुङको सान, टेम्मामा खेलकुदको पहिचान, खेलकुद जित्नलाई होईन, सिक्नलाई खेलिन्छ’ भन्ने नारासहित अमराजेम्पा रहरसिंह राई स्मृति दिप्रुङको   साबिक वडा स्तरिय पुरुष फुटबल प्रतियोगीताको तयारी गरिएको हो । स्थानीय दिलैंछि युवा सर्कलको आयोजना तथा टेम्मा स्पोर्ट्स क्लब टेमाको सह आयोजनामा आगामी मंसिर २७ गतेदेखि वडा स्तरिय पुरुष फुटबल प्रतियोगीता सञ्चालन गर्ने तयारी गरिएको छ ।
प्रतियोगीताका बिजेता र उपविजेताले क्रमशः २५ हजार र १५ हजारको साथमा ट्रफी, मेडल र प्रमाण–पत्र पाउनेछन् । सेमीफाइनलिष्ट बन्ने दुई टिमलाई ५÷५ हजार प्रदान गर्ने अमराजेम्पा रहरसिंह राई स्मृति कोषका अध्यक्ष ग्याबिन किरातिले   जानकारी दिए । दिलैंछि युवा सर्कलले स्थापना कालदेखि नै खेलकुद, धर्म, संस्कार र संस्कृतिको संरक्षण र सम्वद्र्धन सम्वन्धी गतिविधि सञ्चालन गर्दैआएको मदानीखबरलाई जानकारी दिइएको छ ।