तीन हजार बोट गाँजा फँडानी

• जिल्ला प्रहरी कार्यालय खोटाङले गाँजा फँडानी गरेको छ ।

दिक्तेल रुपाकोट मझुवागढी नगरपालिका–१ दिक्तेल, दिक्तेल रुपाकोट मझुवागढी नगरपालिका–४ खाल्ले र दिक्तेल रुपाकोट मझुवागढी नगरपालिका–५ लफ्याङका विभिन्न स्थानमा हुर्किएका गाँजा फँडानी गरेर नष्ट गरेको हो । प्रहरीले स्थानीयको पाखाबारी तथा करेसाबासीमा प्राकृतिक रुपमा उम्रिएको गाँजा नष्ट गरेको जनाएको छ ।

सामाजिक अपराधलाई नियन्त्रण गर्ने उद्धेश्यका साथ जिल्ला प्रहरी कार्यालय खोटाङबाट खटिएका प्रहरीको टोलीले गाँजा फँडानी गरेको डिएसपी उमेश लम्सालले मदानी खबरलाई बताए ।
प्रहरीले यसअघि पनि जिल्लाका विभिन्न ठाउँमा लगाइएको गाँजाको बोट फँडानी गरी नष्ट गर्दै आएको थियो ।