ऐसेलुखर्क गाउँपालिका प्रथम अध्यक्ष कप’ हुँदै यस्तो छ तयारी  

‘ऐसेलुखर्क गाउँपालिका प्रथम अध्यक्ष कप’ अन्तरपालिका भलिवल प्रतियोगिता बैसाख २६ गतेदेखि

गाउँपालिकाको मुख्य प्रायोजनमा खेलकुद विकास समिति ऐसेलुखर्कले ‘ऐसेलुखर्क गाउँपालिका प्रथम अध्यक्ष कप’को आयोजना गरेको हो । गाउँपालिकाले मंगलबार पत्रकार सम्मेलन गर्दै गाउँपालिका प्रथम अध्यक्ष कपको सम्पूर्ण तयारी पुरा भएको जानकारी दिएको छ । पत्रकार सम्मेलनका लागि गाउँपालिकाले जिल्लाका पत्रकारलाई ऐसेलुखर्क निमन्त्रणा गरेको थियो ।
ऐसेलुखर्क गाउँपालिकाको खेलमैदानमा सञ्चालन गरिने प्रतियोगीतामा महिला तथा पुरुषतर्फ प्रथम, दोश्रो, तेश्रो र शान्त्वना स्थान प्राप्त गर्ने टिमलाई छुट्टाछुट्टै क्रमशः २ लाख, १ लाख, ५० हजार र २५ हजारको साथमा ट्रफी, मेडल तथा प्रमाण–पत्र प्रदान गरिने खेलकुद विकास समिति ऐसेलुखर्कले जनाएको छ ।
यस्तै, बेष्ट प्लेयरलाई ५ हजार तथा बेष्ट स्पाइकर, बेष्ट सेटर, बेष्ट व्लकर, बेष्ट डिफेन्डर, बेष्ट सर्भर, अनुशासित र बेष्ट कोचलाई जनही ३ हजारका साथमा ट्रफी, मेडल र प्रमाण–पत्र प्रदान गरिने छ । सेमिफाइनलदेखि माथिका प्रत्येक खेलका म्यान अफ दि म्याचलाई आकर्षक पुरस्कारको व्यवस्था गरिएको आयोजकले जनाएको छ । प्रतियोगीता अन्तर्राष्ट्रिय भलिबल महासंघको नियम अनुसार खेलाइने खेलकुद विकास समिति ऐसेलुखर्कका अध्यक्ष रजिन राईले बताए ।