रक्तदान गरेर मनाइयो मानव अधिकार तथा सामाजिक न्याय मञ्चको २६औं स्थापना दिवस

खोटाङ, असार २९।
राष्ट्रिय मानव अधिकार तथा सामाजिक न्याय मञ्च खोटाङले आइतवार २६औं स्थापना दिवस रक्तदान कार्यक्रममार्फत मनाएको छ। नेकपा (एमाले) निकट यस मञ्चले दिक्तेलको अस्पताल चोकमा आयोजना गरेको रक्तदान कार्यक्रममा १८ जनाले रक्तदान गरेका छन्।

रक्तदान गरेर मनाइयो मानव अधिकार तथा सामाजिक न्याय मञ्चको २६औं स्थापना दिवस

मानवसेवा र रक्तदानजस्ता कार्यमार्फत सामाजिक जागरण फैलाउने उद्देश्यले आयोजना गरिएको कार्यक्रममा नेकपा एमाले खोटाङका अध्यक्ष देवक्रिम राई, उपाध्यक्ष कुमार आचार्य, नगरपालिकाका पूर्व मेयर दीपनारायण रिजाल, नेपाली कांग्रेसका युवा नेता सञ्जयकुमार राई, रक्तसञ्चार केन्द्र दिक्तेलका प्रमुख बोलराज आचार्यलगायतको उपस्थिति थियो।

मञ्चका अध्यक्ष युवराज रिजालका अनुसार स्थापना दिवसको अवसरमा दिउँसो समिक्षालय हलमा जेष्ठ नागरिकहरूसँग अन्तरक्रिया तथा सम्मान कार्यक्रमसमेत आयोजना गरिएको छ।